Gleb: "Arsenal"ning g‘alabasi meni xursand qiladi
Belaruslik sobiq futbolchi Aleksandr Gleb Londonning "Arsenal" jamoasining joriy Chempionlar ligasi mavsumidagi imkoniyatlari haqida o‘z fikrlarini bildirdi. Bu haqda Zamin.uz xabar berdi.
Bu haqda "Euro-football.ru" xabar tarqatdi. Glebning so‘zlariga ko‘ra, "Arsenal" musobaqaning guruh bosqichida juda kuchli o‘yin namoyish etdi.
Ammo u turnir g‘olibi kim bo‘lishini oldindan aytish qiyinligini ta’kidladi. "Hamma narsa 1/8 final ishtirokchilari to‘liq aniq bo‘lgandan keyin oydinlashadi.
Shunga qaramay, sobiq klubim Chempionlar ligasida g‘olib chiqsa yoki hech bo‘lmasa finalga yetib borsa, juda xursand bo‘laman", — dedi Gleb "RB Sport" nashriga bergan intervyusida. Shuningdek, Gleb final o‘yinida hujumkor uslubda o‘ynaydigan va tomoshabop futbol namoyish qiladigan ikki jamoaning ishtirok etishini istashini ham qo‘shimcha qildi.
Eslatib o‘tamiz, "Arsenal" Chempionlar ligasi guruh bosqichini birinchi o‘rinda yakunladi va sakkizta o‘yinning barchasida g‘alaba qozondi. Shu tariqa, "kanonirlar" turnirning yangi formatida bu kabi muvaffaqiyatga erishgan ilk jamoa bo‘ldi.
