Ronaldu yozda “Al-Nasr”ni tark etishi mumkin
Krishtianu Ronaldu atrofida yuzaga kelgan boykot sababli uning yozda Saudiya Arabistonining “Al-Nasr” klubini tark etishi mumkinligi haqida mish-mishlar tarqalmoqda. Bu haqda Zamin.uz xabar berdi.
The Sun nashri portugaliyalik futbolchining faoliyatini davom ettirishi mumkin bo‘lgan beshta klubni sanab o‘tdi. Bu haqda euro-football.ru xabar bermoqda.
Nashr ma’lumotlariga ko‘ra, Ronaldu uchun avvaldan tilga olingan to‘rtta manzil mavjud: Saudiya Arabistonining “Al-Hilol” klubi, Angliyaning “Manchester Yunayted” jamoasi, Portugaliyaning “Sporting” klubi va AQShning “Inter Mayami” jamoasi. Biroq ro‘yxatda yana bir kutilmagan variant ham bor.
Xususan, 41 yoshli Krishtianuning Italiyadagi “Komo” klubiga qo‘shilishi ehtimol sifatida ko‘rilmoqda. Mazkur klubning indoneziyalik milliarder egalari Ronalduga jiddiy moliyaviy shartnoma taklif qilish imkoniyatiga ega ekani ta’kidlanmoqda.
Eslatib o‘tamiz, Krishtianu Ronaldu ilgari ham A Seriyada o‘ynagan va “Yuventus” klubida muvaffaqiyatli faoliyat yuritgan. Bu holat uning yana Italiyaga qaytish ehtimolini oshirishi mumkin.
