«Real» Gehini rad etdi, u «Siti»ga o‘tdi

Yanvar oyida Yevropaning yetakchi ligalarida qishki transfer oynasi davom etayotgan paytda, «Real Madrid»ga Angliyaning «Kristal Pelas» klubi himoyachisi Mark Gehini taklif qilishdi. Bu haqda Zamin.uz xabar berdi.

Ushbu futbolchini nisbatan arzon narxda sotib olish imkoniyati mavjud edi, chunki uning klub bilan amaldagi shartnomasi yozda tugashi kutilayotgandi. Biroq «Real Madrid» rahbariyati Gehini o‘z safiga qo‘shmaslikka qaror qildi.

Bu haqda euro-football.ru xabar berdi. Oradan ko‘p vaqt o‘tmay, 25 yoshli Mark Gehi Angliyaning boshqa yetakchi klubi — «Manchester Siti»ga o‘tdi.

Ommaviy axborot vositalarining xabarlariga ko‘ra, «shaharliklar» bu transfer uchun 23 million yevro miqdorida mablag‘ sarflagan. Ayni paytda «Real Madrid» Ispaniya chempionati turnir jadvalida ikkinchi o‘rinni egallab turibdi.

Jamoa «Barselona»dan faqat bir ochkoga ortda qolmoqda. Bu holat La Liga chempionligi uchun kurash qizg‘in davom etayotganini ko‘rsatmoqda.