Umtiti: Messi har bir o‘yinda g‘alabaga chanqoq
"Barselona"ning sobiq futbolchisi Samyuel Umtiti Lionel Messining o‘yinga bo‘lgan yondashuvi va g‘alabaga intiluvchanligi haqida fikr bildirdi. Bu haqda Zamin.uz xabar berdi.
Bu haqda euro-football.ru xabar bergan. Umtitining so‘zlariga ko‘ra, Messi o‘yin taqdirini hal qila oladigan futbolchilardan biri hisoblanadi.
Unga ko‘ra, agar jamoa 4:0 hisobida yutayotgan bo‘lsa ham, Messi o‘zi gol ura olmasa, bundan mamnun bo‘lmaydi. U doim gol urishga intiladi, bu esa buyuk futbolchilarga xos xususiyatdir, deb ta’kidladi Umtiti.
Shuningdek, Umtiti Messini jarima maydoni yaqinida “qatl qiluvchi” futbolchi sifatida ta’rifladi. Uning aytishicha, Messi qachon tezlikni oshirish yoki o‘yinni sekinlashtirish kerakligini yaxshi biladi.
“U har doim atrofni kuzatib, futbolchilarning joylashuvini baholaydi. Messi bilan qanday himoyalanish kerakligi uchun aniq bir usul yo‘q, chunki u oldindan aytib bo‘lmaydigan futbolchi”, — dedi Umtiti The Elevate House’ga bergan intervyusida.
Bugungi kunda Lionel Messi AQShning "Inter Mayami" klubi safida faoliyat yuritmoqda. U faoliyati davomida sakkiz marta "Oltin to‘p" mukofotini qo‘lga kiritgan.
