Panenka: Penalti uslubim kamsitish emas, ijodkorlikdir
Chex futboli afsonasi Antonin Panenka o‘zining nomi bilan ataladigan “panenka” uslubida tepilgan penalti raqibni kamsitish degan fikrga qo‘shilmasligini ma’lum qildi. Bu haqda Zamin.uz xabar berdi.
U bu uslubni 1976 yilgi Yevropa chempionati finalida birinchi marta qo‘llagan edi. Panenka o‘sha paytdagi qarorini izohlar ekan, asosiy maqsadi raqibni masxara qilish emas, balki gol urish bo‘lganini ta’kidladi.
Bu haqda euro-football.ru xabar berdi. Antonin Panenka Cadena SER radiosining El Larguero dasturida bergan intervyusida, final o‘yinida faqat gol urish haqida o‘ylaganini aytdi.
“Men futbolni sevaman va hech kim ustidan kulishni istamaganman. O‘sha vaziyatda bu uslub g‘alaba uchun eng ishonchli yo‘l deb hisoblaganman”, dedi u.
Bundan tashqari, Panenka Afrika millatlar kubogi finalida Braim Diasning “panenka” uslubida zarba berib, gol ura olmagani haqida ham fikr bildirgan edi. Shu bilan birga, u futbol maydonida bunday uslub ijodkorlik va mahoratni ifodalaydi, deb hisoblaydi.
