Ronaldu "Arkadag"ga qarshi o‘yinda qatnashmaydi
"Al-Nasr" jamoasi bosh murabbiyi Jorje Jezush Krishtianu Ronalduning navbatdagi o‘yinni o‘tkazib yuborishiga sabab bo‘lgan holatni izohladi. Bu haqda Zamin.uz xabar berdi.
Bu haqida euro-football.ru xabar berdi. Ar-Riyod shahri vakili bo‘lgan "Al-Nasr" klubi chorshanba kuni OFK Chempionlar ligasi doirasida "Arkadag" jamoasiga qarshi maydonga tushishi rejalashtirilgan.
Biroq portugaliyalik yulduz hujumchi Krishtianu Ronaldu ushbu o‘yinda ishtirok etmaydi. U yaqin kunlarda jamoaga qaytishi kutilayotgan bo‘lsa-da, bu safar tarkib ro‘yxatidan o‘rin olmagan.
Murabbiy Jorje Jezushning ta’kidlashicha, tig‘iz o‘yin taqvimi sababli jamoaning asosiy tarkib futbolchilarini, jumladan, Krishtianu Ronalduni dam oldirishga qaror qilingan. U ayniqsa, "Al-Fateh"ga qarshi muhim o‘yin yaqinlashayotganini alohida urg‘uladi.
Shuningdek, murabbiy Ronalduning Saudiya Arabistonidan tashqarida o‘tadigan ba’zi uchrashuvlarda qatnashmasligi yangi holat emasligini, bu oldin ham bir necha bor kuzatilganini eslatib o‘tdi. Saudiya chempionati doirasidagi "Al-Fateh" va "Al-Nasr" o‘yini 14-fevral, shanba kuni o‘tkazilishi rejalashtirilgan.
