Georgiy Jikiya: "Antalyaspor"da hammasi yaxshi

"Antalyaspor" jamoasi himoyachisi Georgiy Jikiya Turkiyadagi faoliyati va jamoada kechayotgan ishlari haqida qisqacha fikr bildirdi. Bu haqda Zamin.uz xabar berdi.

32 yoshli futbolchining izohlari "FNL s Ilyovym" telegram-kanalida e’lon qilingan bo‘lib, bu haqda euro-football.ru nashri xabar berdi. Futbolchidan klubdagi ishlari haqida so‘ralganda, u hammasi yaxshi ekanini ta’kidladi.

Shuningdek, Turkiyadagi sharoitlar haqida berilgan savolga jilmayib, barcha narsadan mamnun ekanini qayd etdi. Ma’lumot uchun, Georgiy Jikiya o‘tgan yozda "Antalyaspor" safiga qo‘shilgan.

Shu kungacha u jamoa safida 13 ta o‘yinda maydonga tushib, 2 ta gol kiritishga muvaffaq bo‘lgan. Hozirda "Antalyaspor" Turkiya Superligasi turnir jadvalida 14-o‘rinda bormoqda.

Jamoaning navbatdagi uchrashuvi 13-fevral kuni o‘z maydonida "Samsunspor"ga qarshi o‘tkazilishi rejalashtirilgan.