Panenka: "Panenka" uslubi kamsitish uchun emas

Afsonaviy futbolchi Antonin Panenka futbol olamida keng tarqalgan "panenka" uslubi haqida o‘z fikrlarini bildirdi. Bu haqda Zamin.uz xabar berdi.

U bu zarbani 1976 yilgi Yevropa chempionati finalida qo‘llagan va bu uslubning asl mohiyatini tushuntirib o‘tdi. Panenkaning ta’kidlashicha, bu uslub raqibni kamsitish yoki masxara qilish uchun emas, balki gol urish imkoniyati eng yuqori bo‘lgan variant sifatida tanlangan.

Panenka Cadena SER radiosining El Larguero dasturida o‘sha paytdagi fikrlarini eslab o‘tdi. Unga ko‘ra, final kabi muhim o‘yinlarda futbolchi raqib ustidan kulish haqida emas, balki natija haqida o‘ylaydi.

Shuningdek, Panenka o‘zi futbolni juda yaxshi ko‘rishini va hech qachon raqibni kamsitish niyatida bo‘lmaganini alohida qayd etdi. Panenka oldinroq Braim Diasning Afrika Millatlar kubogi finalida "panenka" uslubida gol ura olmagani haqida ham fikr bildirgan edi.

Uning fikricha, bunday uslubni muvaffaqiyatli qo‘llash uchun futbolchida mahorat, aniq reja va yetarli darajadagi ishonch bo‘lishi kerak. Manba: euro-football.ru