Jessi Marsh bolaligidan "Milan"ga muxlislik qiladi
Kanada terma jamoasi bosh murabbiyi Jessi Marsh Italiyaning "Milan" futbol klubiga uzoq yillardan beri muxlislik qilishini ma’lum qildi. Bu haqda Zamin.uz xabar berdi.
U bu klubga bo‘lgan mehrini bolaligida, Italiya futboli dunyoning eng kuchli chempionatlaridan biri hisoblangan davrda shakllanganini ta’kidladi. Marshning so‘zlariga ko‘ra, yoshligida A Seriya o‘yinlarini muntazam kuzatgan va aynan "Milan"ning o‘yinlari unga katta taassurot qoldirgan.
Shuningdek, u Toronto shahrida italiyaliklar ko‘pligini eslatib, Italiya terma jamoasi jahon chempionatiga yo‘l olgan taqdirda, o‘yinlarni aynan shu shaharda o‘tkazish muhit uchun juda mos bo‘lishini qayd etdi. Marshning fikricha, Toronto shahri italiyalik futbol ishqibozlari uchun o‘ziga xos markazga aylanishi mumkin.
Hozirda "Milan" A Seriya chempionatining turnir jadvalida ikkinchi o‘rinda bormoqda. Bu haqda euro-football.ru va pianetamilan.it nashrlari xabar berdi.
