Kevin Kampl murabbiy Rangnikni yolg‘onchilikda aybladi
Yaqinda futbolchilik faoliyatini yakunlagan sloveniyalik yarim himoyachi Kevin Kampl o‘zining «RB Leyptsig» jamoasidagi faoliyati haqida eslab o‘tdi. Bu haqda Zamin.uz xabar berdi.
U murabbiy Ralf Rangnik bilan bog‘liq bir voqeani alohida ta’kidladi. Kamplning so‘zlariga ko‘ra, rafiqasi tug‘ruq arafasida bo‘lishiga qaramay, Rangnik uni muhim o‘yinda maydonga tushishga majburlagan.
Bu haqda euro-football.ru xabar berdi. Kamplning aytishicha, murabbiy unga qat’iy ohangda: «Ortingdan samolyot yuboraman, sen bu o‘yinda maydonga tushishing shart», degan.
Ushbu voqea «Volfsburg»ga qarshi uchrashuvda yuz bergan. O‘sha uchrashuvda «RB Leyptsig» 4:0 hisobida g‘alaba qozongan.
Ammo o‘yindan so‘ng Kampl yana bir holatdan hayratda qolganini bildirdi. Rangnik jurnalistlar bilan suhbatda, go‘yoki futbolchining o‘zi har qanday sharoitda ham o‘ynashga tayyor ekanini aytib, voqeani boshqacha talqin qilgan.
Aslida esa vaziyat mutlaqo boshqacha bo‘lganini Kampl ochiqchasiga ta’kidladi.
