Georgiy Djikya: “Turkiyada hammasi yaxshi, rahmat”
“Antalyaspor” himoyachisi Georgiy Djikya Turkiyadagi faoliyati haqida qisqa ma’lumot berdi. Bu haqda Zamin.uz xabar berdi.
32 yoshli futbolchining so‘zlari aks etgan video “FNL s Ilyovym” telegram-kanalida e’lon qilingan. Bu haqda euro-football.ru sayti xabar tarqatdi.
Jurnalistning “Klubdagi ishlaringiz qanday ketmoqda?” degan savoliga Djikya qisqa qilib “Hammasi yaxshi, rahmat”, deb javob berdi. Keyingi savolda ham u Turkiyadagi sharoitdan mamnun ekanini bildirib, tabassum bilan “Hammasi joyida”, deya qo‘shimcha qildi.
Georgiy Djikya o‘tgan yozda “Antalyaspor” jamoasi safiga qo‘shilgan. Shu vaqt davomida u 13 ta uchrashuvda maydonga tushib, 2 ta gol urishga muvaffaq bo‘lgan.
Jamoa hozirda Turkiya Superligasi turnir jadvalida 14-o‘rinda bormoqda. “Antalyaspor” navbatdagi o‘yinini 13 fevral kuni o‘z maydonida “Samsunspor”ga qarshi o‘tkazishi rejalashtirilgan.
