Ronaldu "Arkadag"ga qarshi o‘yinda maydonga tushmaydi
"Al-Nasr" futbol klubi bosh murabbiyi Jorje Jezush Krishtianu Ronaldu yaqinlashib kelayotgan o‘yinda maydonga tushmasligini ma’lum qildi. Bu haqda Zamin.uz xabar berdi.
Bu haqda "Euro-Football" nashri xabar berdi. Er-Riyod klubi chorshanba kuni Osiyo Chempionlar Ligasi doirasida "Arkadag" jamoasiga qarshi o‘yin o‘tkazadi.
Avvaliga portugaliyalik hujumchi Krishtianu Ronaldu ushbu o‘yinda ishtirok etishi kutilgan edi. Biroq murabbiy jamoaning tig‘iz taqvimi sababli Ronaldu hamda asosiy tarkibdagi boshqa bir nechta futbolchilarga dam berishga qaror qilganini ta’kidladi.
Jorje Jezushning so‘zlariga ko‘ra, bu qaror oldinda bo‘lib o‘tadigan muhim o‘yinlar, jumladan, "Al-Fateh" jamoasiga qarshi bahsga tayyorgarlik doirasida qabul qilingan. Murabbiy Ronaldu Saudiya Arabistonidan tashqarida o‘tgan ayrim uchrashuvlarda ham qatnashmaganini eslatib o‘tdi.
Saudiya chempionati doirasidagi "Al-Fateh" va "Al-Nasr" o‘yini shanba kuni, 14-fevral sanasida o‘tkazilishi rejalashtirilgan.
