Shlotterbek "Borussiya"da qolish yoki "Real"ga o‘tishni tanlaydi

Dortmundning "Borussiya" klubi markaziy himoyachisi Niko Shlotterbek hozirda amaldagi shartnomasini uzaytirish masalasini ko‘rib chiqmoqda. Bu haqda Zamin.uz xabar berdi.

Bu haqda jurnalist Ekrem Konurning ma’lumotlariga tayanib, euro-football.ru xabar berdi. Manbaga ko‘ra, agar futbolchi yangi shartnomaga imzo chekadigan bo‘lsa, uning yillik maoshi 14 million yevro atrofida bo‘lishi mumkin.

Shuningdek, shartnomaga tovon puli bandi ham kiritilishi kutilmoqda. Bu tovon puli miqdori 50–60 million yevro atrofida bo‘lishi mumkinligi aytilmoqda.

Hozirda Shlotterbekning oldida ikki muhim tanlov bor: "Borussiya" klubi bilan shartnomani uzaytirib, jamoada qolish yoki yozda Madridning "Real" klubiga o‘tish. Futbolchi ushbu masala bo‘yicha yakuniy qarorini mart oyidagi xalqaro tanaffus vaqtida qabul qilishni rejalashtirgan.

Joriy mavsumda 26 yoshli himoyachi o‘zining samarali o‘yinlari bilan ajralib turmoqda. U barcha musobaqalarda 26 ta o‘yinda maydonga tushib, 3 ta gol urdi va 2 ta golli uzatma amalga oshirdi.

Bu natijalar uning yuqori saviyadagi futbolchi ekanligini yana bir bor tasdiqlaydi.