Postekoglu: "Tottenhem" hali yirik klub emas

Londonning "Tottenhem" klubi sobiq bosh murabbiyi Ange Postekoglu jamoaning transfer siyosati bo‘yicha o‘z fikrlarini bildirdi. Bu haqda Zamin.uz xabar berdi.

Bu haqda euro-football.ru xabar bermoqda. Postekoglu klubni ichkaridan ikki yil davomida kuzatganini va bu davrda "Tottenhem" o‘zini yirik klublardan biri sifatida ko‘rsatishga urinayotgan bo‘lsa-da, bunday maqomga ega emasligini ta’kidladi.

Murabbiy misol sifatida "Arsenal" klubini keltirdi. Uning so‘zlariga ko‘ra, "Arsenal" zarur futbolchini qo‘lga kiritish uchun katta mablag‘ sarflashdan cho‘chimaydi.

Masalan, Deklan Rays transferi bunga yaqqol misol bo‘lib, klub bu futbolchini sotib olish uchun 100 million funt ajratgan. Postekoglu esa "Tottenhem" bunday yirik transferlarga tayyor emasligini qayd etdi.

Avvalroq, "Tottenhem" Tomas Frankni bosh murabbiy lavozimidan ozod qilgani ma’lum qilingan edi. Hozirda Angliya Premer-ligasining 26-turidan keyin "Tottenhem" 29 ochko to‘plab, turnir jadvalida 16-o‘rinni egallab turibdi.