Ronaldu Osiyo Chempionlar ligasi o‘yinida qatnashmaydi
"Al-Nasr" futbol klubi bosh murabbiyi Jorje Jezush Krishtianu Ronaldu kelayotgan o‘yinda maydonga tushmasligi sabablarini izohladi. Bu haqda Zamin.uz xabar berdi.
Bu haqda "Euro-football" nashri xabar berdi. Ar-Riyod klubi chorshanba kuni Osiyo Chempionlar ligasi doirasida "Arkadag" jamoasiga qarshi maydonga tushadi.
Portugaliyalik yulduz hujumchining yaqin orada jamoaga qaytishi kutilayotgan bo‘lsa-da, bu safar ham u tarkibdan joy olmaydi. Jezushning so‘zlariga ko‘ra, tig‘iz o‘yinlar taqvimi sababli Ronaldu va bir nechta yetakchi futbolchilarni dam oldirish qarori qabul qilingan.
Murabbiyning fikriga ko‘ra, bu qaror "Al-Fateh"ga qarshi muhim bahs oldidan jamoaning kuchini tejash maqsadida qabul qilingan. "Al Nassr Zone" manbasiga ko‘ra, Ronalduga dam berish yangilik emas.
U Saudiya Arabistonidan tashqarida o‘tadigan ayrim o‘yinlarda ilgari ham qatnashmagan. Saudiya chempionati doirasida "Al-Fateh" va "Al-Nasr" o‘rtasidagi uchrashuv shanba kuni, ya’ni 14-fevralda bo‘lib o‘tishi belgilangan.
