Laymer va “Bavariya” o‘rtasida maosh bo‘yicha kelishmovchilik

Myunxenning “Bavariya” klubi va avstriyalik futbolchi Konrad Laymer o‘rtasida yangi shartnoma bo‘yicha muzokaralar davom etmoqda. Bu haqda Zamin.uz xabar berdi.

Ayni paytda tomonlar kelishuvga erishmagan. Laymerning amaldagi shartnomasi 2027 yilning o‘rtalarigacha amal qiladi, klub esa uni uzaytirishni rejalashtirmoqda.

Biroq muzokaralar jarayonida ayrim qiyinchiliklar yuzaga kelgan. Bu haqda euro-football.ru xabar bermoqda.

Bild nashrining ma'lumotiga ko‘ra, Laymer yiliga 15 million yevro miqdorida maosh talab qilmoqda. Bu summaga bonuslar ham kiritilgan.

“Bavariya” esa futbolchiga bundan pastroq miqdordagi maosh taklif qilgan. Hozirda 28 yoshli yarim himoyachi yiliga taxminan 8–9 million yevro daromad olmoqda.

Konrad Laymer o‘zining jamoadagi o‘rni va so‘nggi o‘yinlardagi hissasini inobatga olib, maoshini oshirishga haqli deb hisoblamoqda. U 2023 yildan beri “Bavariya” safida to‘p surmoqda va yarim himoyachi sifatida muvaffaqiyatli o‘yin ko‘rsatmoqda.

Shuningdek, u ba'zan o‘ng qanot himoyachisi sifatida ham maydonga tushmoqda. Tomonlar kelishuvga erishishi uchun muzokaralar davom etmoqda.