Jikiya: "Antalyaspor"da hammasi yaxshi, sharoitdan mamnunman
"Antalyaspor" jamoasi himoyachisi Georgiy Jikiya Turkiyadagi faoliyati haqida qisqacha izoh berdi. Bu haqda Zamin.uz xabar berdi.
32 yoshli futbolchining so‘zlari aks etgan video "FNL s Ilyovym" telegram-kanalida e’lon qilindi. Bu haqda euro-football.ru xabar tarqatdi.
Jikiyadan klubdagi ishlari qanday ketayotgani haqida so‘ralganda, u hammasi yaxshi ekanini ta’kidladi. Shuningdek, futbolchidan Turkiyadagi yashash sharoitlari haqida ham so‘rashdi.
U bu savolga jilmayib, ijobiy javob berdi va sharoitlardan mamnunligini bildirdi. Eslatib o‘tamiz, Jikiya o‘tgan yozda "Antalyaspor" jamoasiga qo‘shilgan edi.
U shu vaqt mobaynida 13 ta o‘yinda maydonga tushib, ikki gol urishga muvaffaq bo‘ldi. Hozirda "Antalyaspor" Turkiya Superligasi turnir jadvalida 14-o‘rinni egallab turibdi.
Jamoa o‘zining navbatdagi uchrashuvini 13-fevral kuni o‘z maydonida "Samsunspor"ga qarshi o‘tkazadi.
