Ronaldu "Arkadag"ga qarshi o‘yinda maydonga tushmaydi
"Al-Nasr" jamoasi bosh murabbiyi Jorje Jezush Krishtianu Ronaldu navbatdagi uchrashuvda maydonga tushmasligi sababini tushuntirdi. Bu haqda Zamin.uz xabar berdi.
Bu haqda euro-football.ru sayti xabar bermoqda. Ar-Riyod klubi OFK Chempionlar ligasi doirasida chorshanba kuni "Arkadag" jamoasiga qarshi o‘yin o‘tkazishi rejalashtirilgan.
Ammo portugaliyalik hujumchi bu safar ham tarkibdan chetda qoladi. Bungacha uning jamoaga qaytishi kutilayotgan edi.
Murabbiy Jorje Jezushning ma’lum qilishicha, jamoaning zich o‘yin taqvimi sababli Ronaldu va asosiy tarkibdagi bir nechta futbolchiga dam berish to‘g‘risida qaror qabul qilingan. U "Al-Fateh" jamoasiga qarshi bo‘lib o‘tadigan muhim uchrashuv oldidan futbolchilarni ortiqcha charchatmaslik kerakligini ta’kidladi.
Shuningdek, Jezush bu holat yangilik emasligini qo‘shimcha qilib, Ronaldu Saudiya Arabistonidan tashqarida bo‘lib o‘tadigan o‘yinlarda ilgari ham ishtirok etmagan holatlar bo‘lganini eslatib o‘tdi. Saudiya professional ligasi doirasidagi "Al-Fateh" va "Al-Nasr" o‘yini 14-fevral, shanba kuni bo‘lib o‘tishi rejalashtirilgan.
