Darvin Nunes Saudiya chempionatidan chetlatildi
Urugvaylik futbolchi Darvin Nunes joriy mavsumning qolgan qismida Saudiya Arabistonining milliy chempionatida maydonga tushmaydi. Bu haqda Zamin.uz xabar berdi.
«Al-Hilol» klubi bosh murabbiyi italiyalik mutaxassis Nunesni milliy chempionat uchun ro‘yxatdan chiqarib, uning o‘rniga yaqinda jamoaga qo‘shilgan fransuz hujumchisi Karim Benzemani qaydnomaga kiritdi. Shunga qaramay, Nunes Osiyo Chempionlar Ligasi uchrashuvlari uchun klub ro‘yxatida saqlab qolindi.
Bu haqda euro-football.ru sayti xabar berdi. Ma’lumki, Darvin Nunes faoliyati davomida Ispaniyaning «Almeriya», Portugaliyaning «Benfika» va Angliyaning «Liverpul» klublarida to‘p surgan.
U 2019 yildan beri Urugvay milliy terma jamoasi a’zosi bo‘lib, shu vaqtgacha terma jamoa tarkibida 13 ta gol urishga muvaffaq bo‘lgan. Shuningdek, Nunes 2022 yilda Qatarda bo‘lib o‘tgan jahon chempionatida ham ishtirok etgan.
