Tomas Tuhel Angliya terma jamoasi bilan shartnomani uzaytirdi

Angliya terma jamoasining bosh murabbiyi Tomas Tuhel o‘z shartnomasini uzaytirdi. Bu haqda Zamin.uz xabar berdi.

Germaniyalik mutaxassis bilan tuzilgan yangi kelishuv 2028 yilgacha davom etadi. Bu haqda euro-football.ru xabar berdi.

Tomas Tuhelning so‘zlariga ko‘ra, u uzoq vaqtdan buyon Angliya terma jamoasini boshqarishni orzu qilib kelgan. 2021 yilda «Chelsi» klubini boshqarib turganida, Yevropa chempionati uchrashuvlari davomida «Uembli» stadionidagi muhit unga kuchli taassurot qoldirgan.

Stadiondagi energiya va butun mamlakatning futbolga bo‘lgan qiziqishi murabbiyni hayratga solgan. «O‘shanda men vakilimga qo‘ng‘iroq qilib, bu mening katta orzuim ekanini aytgandim.

“Chelsi” bilan barcha sovrinlarni qo‘lga kiritib, keyinchalik Angliya terma jamoasida ishlashni xohlayman, degandim», — deya Tomas Tuhelning so‘zlarini keltiradi terma jamoa matbuot xizmati. Ma’lumki, Tuhel «Chelsi»ni 2021 yil yanvar oyidan 2022 yil sentyabr oyiga qadar boshqargan.

Angliya terma jamoasi bosh murabbiyi lavozimiga esa u 2025 yil boshida tayinlangan.