Ronaldu "Arkadag"ga qarshi o‘yinda maydonga tushmaydi
"Al-Nasr" futbol jamoasi bosh murabbiyi Jorje Jezushning ma’lum qilishicha, jamoaning asosiy hujumchisi Krishtianu Ronaldu navbatdagi o‘yinda maydonga tushmaydi. Bu haqda Zamin.uz xabar berdi.
Bu haqda euro-football.ru xabar berdi. Ma’lum bo‘lishicha, jamoa chorshanba kuni Osiyo Chempionlar Ligasi doirasida Turkmanistonning "Arkadag" klubiga qarshi maydonga tushadi.
Ammo portugaliyalik yulduz futbolchi bu o‘yinda ishtirok etmasligi rejalashtirilgan. Murabbiy Jorje Jezushning so‘zlariga ko‘ra, tig‘iz o‘yinlar jadvali sababli Ronaldu va bir nechta asosiy futbolchilarga dam berishga qaror qilingan.
Bu qaror jamoaning keyingi muhim uchrashuvlariga yaxshiroq tayyorgarlik ko‘rish maqsadida qabul qilingan. Jezushning ta’kidlashicha, Ronalduga dam berilishi yangi holat emas.
U ilgari ham xalqaro safarlardagi ba’zi o‘yinlarda jamoa tarkibida bo‘lmagan. Murabbiy bu safar ham shunday qarorga kelganini bildirdi.
Saudiya Pro Ligasining navbatdagi turida "Al-Nasr" jamoasi 14-fevral kuni "Al-Fateh" klubiga qarshi maydonga tushadi. Ushbu o‘yin jamoa uchun muhim hisoblanadi, shuning uchun futbolchilarni maksimal darajada tayyor holda saqlashga harakat qilinmoqda.
