Ronaldu "Arkadag"ga qarshi o‘yinda maydonga tushmaydi
"Al-Nasr" jamoasi bosh murabbiyi Jorje Jezush Krishtianu Ronaldu yaqinlashib kelayotgan uchrashuvda maydonga tushmasligi sababini izohladi, deb xabar bermoqda euro-football.ru. Bu haqda Zamin.uz xabar berdi.
Ar-Riyod klubi 14-fevral kuni OFK Chempionlar ligasi doirasida Turkmanistonning "Arkadag" jamoasiga qarshi o‘yin o‘tkazadi. Portugaliyalik yulduz hujumchining yaqin orada jamoaga qaytishi kutilayotgan edi.
Biroq murabbiy bu safar Ronalduga dam berishga qaror qilganini ma’lum qildi. Jorje Jezushning so‘zlariga ko‘ra, jamoaning taqvimi juda zich bo‘lgani uchun asosiy tarkibdagi bir nechta futbolchilarni dam oldirish zarur bo‘lgan.
"Oldimizda Saudiya chempionatida "Al-Fateh"ga qarshi muhim o‘yin bor. Shu sababli Ronaldu va boshqa asosiy futbolchilarga vaqtincha tanaffus berishga qaror qildik", — dedi murabbiy.
Ushbu fikrlarni Al Nassr Zone nashri ham keltirgan. Murabbiy Krishtianu Ronalduning ayrim uchrashuvlarda maydonga tushmasligi yangi holat emasligini ham qo‘shimcha qildi.
Uning aytishicha, hujumchi Saudiya Arabistonidan tashqarida o‘tkaziladigan o‘yinlarda avval ham ishtirok etmagan. Saudiya Pro-ligasining navbatdagi "Al-Fateh" va "Al-Nasr" jamoalari o‘rtasidagi uchrashuv shanba kuni, 14-fevralda bo‘lib o‘tadi.
