Tomas Tuxel Angliya terma jamoasida qoladi
Kecha Tomas Tuxel Angliya Futbol Assotsiatsiyasi (FA) bilan shartnomasini uzaytirgani va Angliya milliy terma jamoasi bosh murabbiyi sifatida faoliyatini davom ettirishi rasman e’lon qilindi. Bu haqda Zamin.uz xabar berdi.
Bu haqda euro-football.ru sayti xabar berdi. Biroq FA tarkibidagi ayrim yuqori lavozimli amaldorlar bu qarordan norozi ekanliklarini bildirishgan.
Ularning fikricha, Tuxelning faoliyati haqida yakuniy xulosa Jahon chempionati natijalari asosida chiqarilishi kerak edi. Ular murabbiyning nafaqat natijalar, balki taktik yondashuvi va yetakchilik fazilatlari ham batafsil o‘rganilishi lozimligini ta’kidlashgan.
Shu bilan birga, boshqa ayrim vakillar shartnoma uzaytirilishi Tuxelni boshqa klub yoki loyihaga o‘tib ketishidan xavotir tufayli tezlashtirilganini qayd etishmoqda. Avvalroq Tomas Tuxelning yozda "Manchester Yunayted" bosh murabbiyligiga nomzod sifatida ko‘rilgani haqida mish-mishlar tarqalgan edi.
Bu holat uning kelajagi borasida turli muhokamalarga sabab bo‘lgan.
