Maykl Olise "Verder"ga qarshi o‘yinni o‘tkazib yuboradi
Myunxenning "Bavariya" klubi hujumchisi Maykl Olise Germaniya chempionatining navbatdagi turida "Verder"ga qarshi uchrashuvda qatnasha olmaydi. Bu haqda Zamin.uz xabar berdi.
Bu haqda euro-football.ru sayti xabar berdi. Ma’lum bo‘lishicha, 24 yoshli fransuz futbolchi o‘tgan turda mavsumdagi beshinchi sariq kartochkasini olib, diskvalifikatsiya qilingan.
Shu sababli u yaqinlashib kelayotgan o‘yinda jamoasiga yordam bera olmaydi. Bu Olise uchun "Kristal Pelas" klubidan 2024 yil yozida "Bavariya"ga o‘tganidan keyin Bundesligada ilk bor o‘tkazib yuboriladigan uchrashuv bo‘ladi.
Maykl Olise bunga qadar "Bavariya" safida ketma-ket 55 ta o‘yinda ishtirok etib, 22 ta gol urgan va 36 ta golli uzatma amalga oshirgan. Klubning hozirgi tarkibida bunday yuqori natijaga erishgan boshqa futbolchi yo‘q.
"Verder" va "Bavariya" o‘rtasidagi mazkur uchrashuv Germaniya chempionatining 22-turi doirasida 14 fevral kuni o‘tkaziladi. O‘yin Toshkent vaqti bilan soat 19:30 da boshlanishi rejalashtirilgan.
