Meyson Mauntning kelajagi "Manchester Yunayted"da mavhum qolmoqda

"Manchester Yunayted" futbol klubi yarim himoyachisi Meyson Mauntning kelajagi hanuz mavhumligicha qolmoqda. Bu haqda Zamin.uz xabar berdi.

Bu haqda euro-football.ru xabar berdi. 27 yoshli futbolchi jamoaning hozirgi bosh murabbiyi Mykl Karrik qo‘llayotgan taktika va tizimda asosiy tarkibdan joy olishda qiyinchiliklarga duch kelyapti.

Ayniqsa, "o‘nlik" pozitsiyasi jamoaning asosiy yetakchisi va sardori Bruno Fernandeshga biriktirilgani sababli Maunt uchun bu holat yanada murakkablashmoqda. Angliya ommaviy axborot vositalarining xabariga ko‘ra, "Manchester Yunayted" Mauntni sotish imkoniyatlarini ko‘rib chiqmoqda.

Klub futbolchini taxminan 20 million funt (23 million yevro) evaziga transfer qilishni rejalashtirishi mumkin. Shu bilan birga, Transfermarkt portali futbolchining qiymatini 32 million yevro atrofida baholamoqda.

Meyson Maunt avval "Chelsi" jamoasida faoliyat yuritgan va hozirda "Manchester Yunayted" bilan 2028 yilgacha amaldagi shartnomaga ega. Shuningdek, shartnomada uni yana bir mavsumga uzaytirish imkoniyati ham mavjud.

Shu bois, futbolchining kelajagi qanday kechishi hozircha noaniq bo‘lib qolmoqda.