Ronaldu Osiyo Chempionlar Ligasi o‘yinini o‘tkazib yuboradi
"Al-Nasr" futbol klubi bosh murabbiyi Jorje Jezush Krishtianu Ronaldu yaqinlashib kelayotgan o‘yinni nega o‘tkazib yuborishini izohladi. Bu haqda Zamin.uz xabar berdi.
Bu haqda euro-football.ru xabar berdi. Ar-Riyod klubi chorshanba kuni Osiyo Chempionlar Ligasi doirasida Turkmanistonning "Arkadag" jamoasiga qarshi o‘yin o‘tkazadi.
Biroq portugaliyalik yulduz forvard Krishtianu Ronaldu ushbu uchrashuvda qatnashmaydi. Murabbiylar shtabi uning maydonga qaytishini tez orada kutayotgan bo‘lsa-da, bu safar futbolchiga dam berishga qaror qilingan.
Jorje Jezushning so‘zlariga ko‘ra, jamoaning zich o‘yin jadvali sababli Ronaldu va boshqa asosiy futbolchilarga qisqa muddatli dam berish zarur deb topilgan. Bu qaror kelayotgan Saudiya chempionati doirasidagi muhim uchrashuv — "Al-Fateh"ga qarshi o‘yinga tayyorgarlik ko‘rish uchun qabul qilingan.
"Ronalduga dam berish biz uchun yangilik emas. U Saudiya Arabistonidan tashqarida o‘tadigan o‘yinlarda ham bir necha bor maydonga tushmagan," — deya murabbiyning fikrini keltiradi Al Nassr Zone.
Eslatib o‘tamiz, Saudiya chempionatida "Al-Fateh" va "Al-Nasr" jamoalari o‘rtasidagi uchrashuv shanba kuni, 14-fevralda bo‘lib o‘tadi.
