Alessandro Bastoni "Arsenal"ga o‘tishi mumkin

Italiyaning "Inter" klubi markaziy himoyachisi Alessandro Bastoni faoliyatini Angliya Premyer-ligasida davom ettirishi mumkin. Bu haqda Zamin.uz xabar berdi.

Bu haqda jurnalist Ekrem Konur ma’lum qilgan. Xabarni euro-football.ru nashri tarqatgan.

Manbaga ko‘ra, 26 yoshli futbolchiga Londonning "Arsenal" klubi katta qiziqish bildirmoqda. Bundan tashqari, Bastoniga "Barselona", "Manchester Yunayted" va Madridning "Real" klublari ham qiziqish bildirishayotgani aytilmoqda.

Shu bilan birga, "Inter" himoyachisini o‘z tarkibida saqlab qolishni istayotganini ma’lum qilgan. Shu sababli italiyalik futbolchini qo‘lga kiritmoqchi bo‘lgan jamoalar katta mablag‘ sarflashga tayyor bo‘lishlari talab etiladi.

Joriy mavsumda Alessandro Bastoni barcha turnirlar doirasida 30 ta o‘yinda maydonga tushib, 1 ta gol urgan va 6 ta golli uzatma amalga oshirgan. Transfermarkt ma’lumotlariga ko‘ra, futbolchining bozor bahosi 80 million yevro atrofida baholanmoqda.