Pochettino: Messi va yulduzlar bilan ishlash oson emas

PSJning sobiq bosh murabbiyi Maurisio Pochettino Parij klubida ishlagan davri va yulduz futbolchilar bilan tajribasi haqida fikr bildirdi. Bu haqda Zamin.uz xabar berdi.

U bosh murabbiy sifatida Lionel Messi, Neymar va Kilian Mbappe kabi futbolchilarni bir jamoada boshqargan edi. Ushbu fikrlar euro-football.ru nashrida e’lon qilindi.

Pochettino yulduz futbolchilar bilan ishlash doim ham oson emasligini ta’kidladi. Unga ko‘ra, bunday darajadagi futbolchilar ba’zan o‘zlari o‘ynayotgan klubdan ham kattaroq shaxs sifatida ko‘rinadi.

Ayniqsa, Messi kabi futbolchilardan doimiy pressing kutish mantiqiy emasligini u qayd etdi. Pochettinoning so‘zlariga ko‘ra, Messi hatto Pep Gvardiola qo‘l ostida o‘ynagan eng yaxshi davrlarida ham bunday harakatlarni qilishga odatlanmagan.

Shu sababli jamoa natijalari yomonlashganda, ko‘pincha tanqid murabbiyga qaratiladi. Hozirda Maurisio Pochettino AQSh terma jamoasini jahon chempionatiga tayyorlash bilan band.

Shuningdek, yozda uning yana “Tottenxem” klubiga qaytishi mumkinligi haqida mish-mishlar tarqalgan.