Ronaldu "Arkadag"ga qarshi o‘yinda maydonga tushmaydi

"Al-Nasr" jamoasi bosh murabbiyi Jorje Jezush Krishtianu Ronalduning navbatdagi uchrashuvda maydonga tushmasligi sabablarini tushuntirdi. Bu haqda Zamin.uz xabar berdi.

Bu haqda euro-football.ru xabar berdi. Ar-Riyod klubi chorshanba kuni Osiyo Chempionlar Ligasi doirasida "Arkadag" jamoasiga qarshi o‘yin o‘tkazadi.

Portugaliyalik mashhur hujumchi Krishtianu Ronaldu yaqin orada safga qaytishi kutilayotgan bo‘lsa-da, aynan shu uchrashuvda u tarkibda bo‘lmaydi. Murabbiy Jorje Jezushning so‘zlariga ko‘ra, jamoa jadvali juda tig‘iz bo‘lgani sababli Ronalduni va asosiy tarkibdagi yana bir nechta futbolchini dam oldirishga qaror qilingan.

Murabbiy bu qarorni kelayotgan muhim o‘yinlar, xususan, "Al-Fateh"ga qarshi uchrashuvni hisobga olgan holda qabul qilganini aytib o‘tdi. Jezushning ta’kidlashicha, Ronalduning xalqaro safar o‘yinlarini ba’zan o‘tkazib yuborishi yangilik emas.

U Saudiya Arabistonidan tashqarida o‘tkazilgan bir nechta uchrashuvlarda avval ham maydonga tushmagan. Eslatib o‘tamiz, Saudiya Pro Ligasidagi "Al-Fateh" va "Al-Nasr" jamoalari o‘rtasidagi uchrashuv shanba kuni, 14 fevralda bo‘lib o‘tadi.