Manuel Noyer jarohat oldi, tiklanish muddati noma’lum
Myunxenning "Bavariya" klubi bir muddat jamoa sardori, darvozabon Manuel Noyersiz harakat qilishiga to‘g‘ri keladi. Bu haqda Zamin.uz xabar berdi.
Klub rasmiy saytida futbolchining jarohati haqida ma’lumot berib o‘tdi. Bu haqda "Euro-football.ru" xabar tarqatdi.
O‘tgan hafta Germaniya Bundesligasi doirasida bo‘lib o‘tgan "Verder"ga qarshi uchrashuvda Noyer chap boldir mushagidan jarohat oldi. Aniqlanishicha, uning mushak tolasi yirtilgan.
Ushbu jarohat sababli Noyer tiklanish jarayonini boshlaydi. Lekin "Bavariya" klubining ma’lum qilishicha, futbolchining tiklanish muddati hozircha aniq emas.
Germaniya ommaviy axborot vositalarining yozishicha, 39 yoshli tajribali darvozabon 21-fevral kuni "Ayntraxt"ga qarshi o‘tkaziladigan uchrashuvda maydonga tusha olmasligi mumkin. Bu ma’lumot hali rasman tasdiqlanmagan.
Shu bilan birga, "Bavariya" o‘yinda "Verder"ni 3:0 hisobida mag‘lub etib, Bundesligada o‘z yetakchilik mavqeini mustahkamladi. Myunxenliklar hozirda musobaqa jadvalida ikkinchi o‘rindagi Dortmundning "Borussiya" klubidan 6 ochko oldinda bormoqda.
