«Inter» – «Yuventus» o‘yini hakamlik bahslariga sabab bo‘ldi

Italiyada bo‘lib o‘tgan A Seriya doirasidagi «Inter» va «Yuventus» jamoalari o‘rtasidagi o‘yin (3:2) qizg‘in bahslarga sabab bo‘ldi. Bu haqda Zamin.uz xabar berdi.

O‘yindan ko‘ra, hakamlarning qarorlari ko‘proq e’tibor markazida bo‘ldi. Uchrashuvning birinchi bo‘lim oxirlarida bosh hakam Federiko La Penna «Yuventus» himoyachisi Per Kalulyuga sariq kartochka ko‘rsatdi.

Ammo ko‘plab mutaxassislar va tomoshabinlar bu vaziyatda «Inter» futbolchisi Alessandro Bastoni jarima ishlatish uchun vaziyatni atayin bo‘rttirganini ta’kidlashdi. Bu haqda euro-football.ru ma’lum qildi.

Mazkur holatda VAR tizimi aralasha olmaganligi ham muhokamalarga sabab bo‘ldi. Chunki amaldagi qoidaga ko‘ra, sariq kartochka bilan bog‘liq vaziyatlarda videoassistent hakamning qarorini o‘zgartira olmaydi.

Shu munosabat bilan Italiya hakamlar korpusi rahbari Janluka Rokki ham o‘z fikrini bildirdi. U bosh hakam La Pennaning qarorini xato deb baholadi va VARdan foydalanish imkoniyati mavjud bo‘lmaganidan afsuslanganini ta’kidladi.

Hozirda «Inter» A Seriyada peshqadamlikni saqlab qolmoqda. Mazkur o‘yin esa hakamlik qarorlari va ularning qay darajada adolatli bo‘lishi masalasini yana bir bor kun tartibiga olib chiqdi.