Ronaldu OFK o‘yinida dam oladi, murabbiy izoh berdi
"Al-Nasr" jamoasi bosh murabbiyi Jorje Jezush Krishtianu Ronalduning navbatdagi uchrashuvda maydonga tushmasligi sabablarini tushuntirdi. Bu haqda Zamin.uz xabar berdi.
Bu haqda euro-football.ru xabar berdi. Jamoa chorshanba kuni OFK Chempionlar ligasi doirasida Turkmanistonning "Arkadag" klubiga qarshi bahs olib boradi.
Ammo portugaliyalik yulduz hujumchi Krishtianu Ronaldu mazkur o‘yinda ishtirok etmaydi. Murabbiy Jorje Jezushning aytishicha, tig‘iz taqvim sababli Ronalduni va bir qator asosiy tarkib futbolchilarini dam oldirishga qaror qilingan.
Unga ko‘ra, oldinda "Al-Fateh" klubiga qarshi muhim o‘yin bor va jamoa kuchini mazkur uchrashuvga saqlamoqda. Shuningdek, mutaxassisning qayd etishicha, Ronalduning bu o‘yinda qatnashmasligi yangilik emas.
U Saudiya Arabistonidan tashqarida bo‘ladigan ba’zi uchrashuvlarda ilgari ham ishtirok etmagan. Saudiya Pro Ligasidagi "Al-Fateh" va "Al-Nasr" jamoalari o‘rtasidagi navbatdagi uchrashuv 14-fevral, shanba kuni bo‘lib o‘tishi rejalashtirilgan.
