Ikardi «Galatasaray» tarixidagi eng yaxshi legioner bo‘ldi
Turkiya chempionatining 22-turida «Galatasaray» jamoasi «Eyupspor»ni yirik hisobda mag‘lubiyatga uchratdi — 5:1. Bu haqda Zamin.uz xabar berdi.
Ushbu o‘yinda argentinalik hujumchi Mauro Ikardi o‘zining yorqin o‘yinlari bilan ajralib turdi. U uchta gol urib, het-trik qayd etdi va Istanbul klubining tarixida eng ko‘p gol urgan legioner futbolchiga aylandi.
Ikardi bu natijasi bilan «Galatasaray»ning sobiq futbolchisi, ruminiyalik Georghe Hachini ortda qoldirdi. Hachining hisobida 75 ta gol bo‘lgan bo‘lsa, Ikardining gollari soni endi 76 taga yetdi.
Bu ko‘rsatkich Mauro Ikardini klubning umumiy to‘purarlari ro‘yxatida yettinchi o‘ringa olib chiqdi. Ma’lumotlarga ko‘ra, Mauro Ikardi 2023 yildan beri «Galatasaray» safida to‘p surmoqda.
U bunga qadar Fransiyaning «PSJ» klubida faoliyat olib borgan. Hozirda Ikardining yuqori darajadagi o‘yinlari nafaqat klub, balki uning muxlislari orasida ham katta e’tiborga sazovor bo‘lmoqda.
Manba: euro-football.ru.
