Ronaldu "Arkadag"ga qarshi o‘yinda qatnashmaydi
"Al-Nasr" futbol klubi bosh murabbiyi Jorj Jezush Krishtianu Ronaldu navbatdagi o‘yinda maydonga tushmasligini izohlab berdi. Bu haqda Zamin.uz xabar berdi.
Bu haqda euro-football.ru xabar tarqatdi. Ar-Riyod shahri jamoasi chorshanba kuni OFK Chempionlar ligasi doirasida Turkmanistonning "Arkadag" jamoasiga qarshi uchrashuv o‘tkazadi.
Portugaliyalik yulduz hujumchi Krishtianu Ronaldu bu o‘yinda ham qatnashmaydi. Unga dam berish to‘g‘risida qaror qabul qilingan.
Jezushning so‘zlariga ko‘ra, tig‘iz taqvim sababli Ronaldu va asosiy tarkibdagi bir nechta futbolchiga dam berish maqsad qilingan. Ushbu qarorning sababi esa shanba kuni Saudiya chempionati doirasida "Al-Fateh" jamoasiga qarshi bo‘ladigan muhim uchrashuvga tayyorgarlik ko‘rishdir.
Shuningdek, murabbiy Ronaldu Saudiya Arabistonidan tashqarida o‘tadigan ayrim o‘yinlarda ham ishtirok etmaganini eslatib o‘tdi. Bu holat yangilik emasligini ta’kidladi.
Eslatib o‘tamiz, "Al-Fateh" va "Al-Nasr" o‘rtasidagi uchrashuv shanba kuni, 14-fevral sanasida bo‘lib o‘tadi.
