Messi Lego yordamida jahon kubogi maketini yasadi
Argentina terma jamoasi hujumchisi Lionel Messi ijtimoiy tarmoqlardagi sahifasida Lego konstruktori yordamida jahon chempionligi kubogining maketini yig‘ib chiqqanini namoyish etdi. Bu haqda Zamin.uz xabar berdi.
Bu haqda euro-football.ru xabar berdi. Messi mazkur postga “Buni yakunladik, Lego” deb izoh qoldirgan.
Tayyorlangan model asl kubokning balandligiga mos keladi va uni yig‘ish uchun 2842 ta detal ishlatilgani aytilmoqda. Bunday murakkab konstruktorni yig‘ish uchun ancha vaqt va sabr talab qilinadi.
Eslatib o‘tamiz, Argentina terma jamoasi hozirgi amaldagi jahon chempioni hisoblanadi. So‘nggi jahon chempionati finalida Argentina Fransiyaga qarshi maydonga tushgan va 3:3 hisobidagi durangdan so‘ng penaltilar seriyasida g‘alaba qozongan edi.
Shu tariqa, Lionel Messi o‘z faoliyatidagi eng yirik g‘alabalardan birini qo‘lga kiritdi.
