Ronaldu "Arkadag"ga qarshi o‘yinda qatnashmaydi

"Al-Nasr" jamoasi bosh murabbiyi Jorje Jezush Krishtianu Ronaldu yaqinlashib kelayotgan o‘yinda maydonga tushmasligi sabablarini tushuntirdi. Bu haqda Zamin.uz xabar berdi.

Ushbu ma’lumotni euro-football.ru nashri xabar qilgan. Ar-Riyod klubi 14 fevral kuni OFK Chempionlar ligasi doirasida "Arkadag" jamoasiga qarshi uchrashuv o‘tkazadi.

Portugaliyalik yulduz hujumchi avvalgi uchrashuvlardan keyin jamoaga qaytishi kutilayotgandi, ammo bu safar ham u qaydnomaga kiritilmadi. Jorje Jezushning so‘zlariga ko‘ra, jamoaning zich o‘yin taqvimi sababli Ronaldu va asosiy tarkibdagi bir nechta futbolchiga dam berish qarori qabul qilingan.

Murabbiy bu qarorning asosiy sababi sifatida "Al-Fateh" jamoasiga qarshi bo‘ladigan muhim uchrashuvni keltirib o‘tdi. "Ronalduga dam berish yangi holat emas.

Bu uning Saudiya Arabistonidan tashqaridagi o‘yinlarni o‘tkazib yuborishi bilan bog‘liq birinchi holat emas", — deya Jezushning so‘zlarini Al Nassr Zone nashri keltirgan. Saudiya chempionati doirasida "Al-Fateh" va "Al-Nasr" o‘rtasidagi uchrashuv shanba kuni bo‘lib o‘tishi kutilmoqda.

Bu o‘yin jamoa uchun muhim ahamiyatga ega bo‘lib, asosiy tarkib futbolchilarining yaxshi tayyorgarlikda bo‘lishi zarur.