Ronaldu OFK o‘yinida maydonga tushmaydi
"Al-Nasr" futbol klubi bosh murabbiyi Jorje Jezush Krishtianu Ronaldu nega navbatdagi o‘yinda maydonga tushmasligini izohladi. Bu haqda Zamin.uz xabar berdi.
Bu haqda euro-football.ru xabar berdi. Ma’lum qilinishicha, Er-Riyod klubi chorshanba kuni OFK Chempionlar Ligasi doirasida "Arkadag" jamoasiga qarshi uchrashuv o‘tkazadi.
Portugaliyalik hujumchi Krishtianu Ronaldu yaqin kunlarda yana maydonga qaytishi kutilayotgan bo‘lsa-da, bu o‘yinda u ishtirok etmaydi. Murabbiy Jorje Jezushning aytishicha, jamoaning taqvimi juda zich bo‘lgani sababli Ronaldu va boshqa asosiy futbolchilarga dam berishga qaror qilingan.
"Oldinda bizni "Al-Fateh"ga qarshi muhim uchrashuv kutmoqda", — dedi Jezush. Ushbu bayonot Al Nassr Zone tomonidan e’lon qilindi.
Shuningdek, murabbiy Ronalduga dam berilishi odatiy hol ekanini ta’kidladi. U Saudiya Arabistonidan tashqarida bo‘ladigan o‘yinlarda avval ham bir necha bor ishtirok etmagan.
Saudiya chempionati doirasidagi "Al-Fateh" va "Al-Nasr" o‘rtasidagi bahs 14-fevral, shanba kuni bo‘lib o‘tishi rejalashtirilgan.
