Rossiya Osiyo futboliga o‘tishni ko‘rib chiqmoqda

Rossiya futbol ittifoqi (RFS) Yevropa futbol assotsiatsiyalari ittifoqi (UYEFA) bilan olib borilayotgan muzokaralarda Osiyo futbol konfederatsiyasiga o‘tish masalasini qayta ko‘rib chiqishi mumkin. Bu haqda Zamin.uz xabar berdi.

Bu haqda "euro-football.ru" xabar berdi. Manbalarga ko‘ra, hatto FIFA tomonidan Rossiyaga qarshi sanksiyalar bekor qilinsa ham, UYEFAning qat’iy pozitsiyasi sababli Rossiya futbolining xalqaro maydonga qaytishi kafolatlanmagan.

Shu sababli, RFS muzokaralarda Osiyo konfederatsiyasiga o‘tishni asosiy dalil sifatida qo‘llashni rejalashtirishi mumkin. Osiyo futbol konfederatsiyasida Rossiyaga qarshi bo‘lgan davlatlar soni atigi beshta bo‘lib, bu Yevropadagi vaziyatdan ancha yengilroq ko‘rinadi.

Shuningdek, Rossiya Olimpiya qo‘mitasining tiklanishi FIFA va UYEFAga ta’sir o‘tkazishi mumkinligi ham ta’kidlanmoqda. Bu holat Rossiya yoshlar terma jamoasiga 2028 yilgi Olimpiada saralash musobaqalarida qatnashish imkoniyatini ochishi ehtimoli mavjud.

Eslatib o‘tamiz, Rossiya klublari va terma jamoalari 2022 yildan beri xalqaro futbol turnirlaridan chetlatilgan.