PSJ darvozaboni Safonovga murabbiy ishonishda davom etadi
Fransiyada PSJning asosiy darvozaboni kimligi aniq. Bu haqda Zamin.uz xabar berdi.
Frantsiyaning mashhur Lequipe nashri jurnalisti Ugo Delom PSJ darvozaboni Matvey Safonovning Liga 1 doirasida «Renn»ga qarshi uchrashuvdagi o‘yinini tahlil qildi. Ushbu o‘yinda Parij klubi safarda 1:3 hisobida mag‘lubiyatga uchragan edi.
Bu haqda euro-football.ru xabar berdi. Ugo Delomning fikricha, yirik hisobdagi mag‘lubiyat uchun faqat darvozabonni aybdor qilish noto‘g‘ri bo‘ladi.
Bu natija butun jamoaning muammosi ekanligini ta’kidladi. Shuningdek, jurnalistning qayd etishicha, «Renn»ga qarshi o‘yin Safonovning darvozabonlar ierarxiyasidagi mavqeiga ta’sir qilmaydi.
U hali ham PSJning birinchi raqamli darvozaboni bo‘lib qoladi, bosh murabbiy Luis Enrike esa unga ishonishda davom etadi. Fransiya chempionatining 22-turidan so‘ng PSJ 51 ochko bilan turnir jadvalida ikkinchi o‘rinda joylashgan.
Jamoa peshqadam «Lans»dan atigi bir ochko ortda qolmoqda. Bu esa chempionlik uchun kurash hali davom etishini ko‘rsatadi.
