Emiliano Martines Premyer-ligada seyvlar bo‘yicha yetakchi
Birmingem shahri vakili bo‘lgan "Aston Villa" futbol klubi darvozaboni Emiliano Martines joriy Angliya Premyer-ligasi mavsumida seyvlar foizi bo‘yicha eng yaxshi natija ko‘rsatmoqda. Bu haqda Zamin.uz xabar berdi.
"Football Insider" nashrining xabariga ko‘ra, jahon chempioni bo‘lgan Martines hozirgacha 77 foiz seyv ko‘rsatkichi bilan liga darvozabonlari orasida yetakchilik qilmoqda. Bu ma’lumotni euro-football.ru ham tasdiqlagan.
Martines hozirgi mavsumda "Aston Villa" safida jami 28 ta rasmiy o‘yinda ishtirok etgan bo‘lib, shundan 22 tasi Premyer-liga doirasida o‘tkazilgan. Aynan mana shu 22 uchrashuv davomida u atigi 19 ta gol o‘tkazib yuborgan.
Bu esa uni nafaqat klub, balki butun liga darvozabonlari orasida ishonchli posbon sifatida ajratib ko‘rsatadi. "Aston Villa" jamoasi esa mavsum davomida muvaffaqiyatli o‘yin ko‘rsatib, turnir jadvalida yuqori o‘rinlardan birini egallab turibdi.
Hozirgi kunda birmingemliklar 50 ochko to‘plagan holda uchinchi o‘rinda joylashgan. Bu natijalar jamoaning kuchli tarkibga ega ekanligini yana bir bor tasdiqlaydi.
