Ronaldu "Arkadag"ga qarshi o‘yinda maydonga tushmaydi

"Al-Nasr" futbol klubi bosh murabbiyi Jorje Jezush Krishtianu Ronalduning navbatdagi o‘yinda ishtirok etmasligini ma’lum qildi. Bu haqda Zamin.uz xabar berdi.

Bu haqda *euro-football.ru* xabar berdi. Ar-Riyod shahri vakili bo‘lgan "Al-Nasr" jamoasi chorshanba kuni Osiyo Chempionlar Ligasi doirasida Turkmanistonning "Arkadag" klubiga qarshi maydonga tushadi.

Ammo portugaliyalik mashhur futbolchi Krishtianu Ronaldu bu uchrashuvda ishtirok etmaydi. U jamoaga tez orada qaytishi kutilayotgan bo‘lsa-da, mazkur o‘yinda uning nomi ro‘yxatdan joy olmagan.

Jezushning so‘zlariga ko‘ra, tig‘iz o‘yin taqvimi sababli Ronalduning dam olishi to‘g‘risida qaror qabul qilingan. Murabbiy bu qarorni jamoaning oldinda turgan muhim o‘yini, ya’ni "Al-Fateh"ga qarshi uchrashuv bilan izohladi.

Shuningdek, Jezushning ta’kidlashicha, Ronalduning ba’zi o‘yinlarda ishtirok etmasligi yangilik emas. Xususan, Saudiya Arabistonidan tashqarida o‘tadigan o‘yinlarda u avval ham bir necha bor maydonga tushmagan.

Saudiya Pro-ligasida "Al-Fateh" va "Al-Nasr" o‘rtasidagi uchrashuv shanba kuni, 14 fevralda bo‘lib o‘tadi.