Ronaldu Yevropaga qaytishi mumkinligi muhokamada
Krishtianu Ronaldu Saudiya Arabistonining "Al-Nasr" klubi bilan bo‘lgan kelishmovchiliklarni hal qilib, yana maydonga qaytdi. Bu haqda Zamin.uz xabar berdi.
Shunga qaramasdan, portugaliyalik futbolchining yozgi transfer oynasida klubini o‘zgartirishi ehtimoli bor. Bu haqda euro-football.ru xabar berdi.
Ma’lum bo‘lishicha, futbolchining agenti Jorje Mendesh Yevropadagi bir qancha yetakchi klublar bilan muzokaralar olib bormoqda. U 41 yoshli Ronalduni yozda o‘z jamoalariga qo‘shishni taklif qilmoqda.
Avvalroq OAVda Ronalduning "Manchester Yunayted"dan ketganidan keyin agent Mendesh bilan hamkorligini to‘xtatgani haqida ma’lumotlar tarqalgan edi. Biroq Transfermarkt saytiga ko‘ra, Krishtianu hanuz Mendesh agentligi mijozlari qatorida qayd etilgan.
Hozirda Ronaldu "Al-Nasr" bilan 2027 yil o‘rtalarigacha amalda bo‘lgan shartnomaga ega. Shu bilan birga, futbolchining Yevropa klublariga qaytishi haqidagi taxminlar futbol olamida katta qiziqish uyg‘otmoqda.
