Ronaldu "Arkadag"ga qarshi o‘yinda maydonga tushmaydi
"Al-Nasr" futbol klubi bosh murabbiyi Jorje Jezush Krishtianu Ronalduning navbatdagi o‘yinda ishtirok etmasligi sababini tushuntirdi. Bu haqda Zamin.uz xabar berdi.
Bu haqda euro-football.ru xabar berdi. Ar-Riyod klubi 14-fevral kuni OFK Chempionlar ligasi doirasida "Arkadag" jamoasiga qarshi bahs olib boradi.
Portugaliyalik yulduz hujumchi Krishtianu Ronalduning bu uchrashuvda maydonga tushishi kutilayotgan edi. Biroq murabbiyning qaroriga ko‘ra, u mazkur o‘yinda ishtirok etmaydi.
Jorje Jezushning so‘zlariga ko‘ra, jamoa jadvali juda tig‘iz bo‘lgani sababli Ronalduga va asosiy tarkibdagi ayrim futbolchilarga dam berishga qaror qilingan. Murabbiy oldinda "Al-Fateh"ga qarshi muhim o‘yin borligini ta’kidlab, ushbu uchrashuvga jamoa kuchini tejashni maqsad qilganini aytib o‘tdi.
Shuningdek, Jorje Jezush Ronalduning dam olishi yangi holat emasligini qo‘shimcha qildi. U avval ham Saudiya Arabistonidan tashqarida o‘tadigan ayrim o‘yinlarni o‘tkazib yuborgan edi.
"Al-Fateh" va "Al-Nasr" jamoalari o‘rtasidagi o‘yin 14-fevral, shanba kuni bo‘lib o‘tishi rejalashtirilgan.
