Ronaldu goli va faolligi bilan yana hayratlantirdi

Saudiya Arabistoni chempionatining 22-turida "Al-Nasr" jamoasi safarda "Al-Fateh"ni 2:0 hisobida mag‘lub etdi. Bu haqda Zamin.uz xabar berdi.

Ushbu uchrashuvda jamoaning tajribali futbolchisi Krishtianu Ronaldu yana o‘zini ko‘rsatdi. 41 yoshli hujumchi qisqa tanaffusdan so‘ng maydonga qaytib, o‘yinda gol kiritishga muvaffaq bo‘ldi.

Bu haqda euro-football.ru xabar berdi. O‘yindan so‘ng futbol sharhlovchisi Aleksandr Yelagin Ronaldu haqida iliq fikrlar bildirdi.

U Krishtianu Ronaldu nafaqat gol urganini, balki himoyada ham faol ishtirok etganini ta’kidladi. Sharhlovchining so‘zlariga ko‘ra, Ronaldu bir necha bor jarima maydonchasidan to‘pni uzoqlashtirgan va yosh futbolchilarga xos chaqqonlik bilan harakat qilgan.

Yelagin uning mehnatkashligini yuqori baholab, "ham qoyil qolaman, ham havas qilaman", deya ta’kidladi. Ma’lumotlarga ko‘ra, joriy mavsumda Krishtianu Ronaldu Saudiya Arabistoni chempionatida 19 ta o‘yinda qatnashib, 18 ta gol urishga erishgan.

Bu ko‘rsatkich uning hali ham yuqori darajada o‘ynashini isbotlaydi.