Ronaldu "Arkadag"ga qarshi o‘yinda ishtirok etmaydi
"Al-Nasr" jamoasi bosh murabbiyi Jorje Jezush Krishtianu Ronaldu nega yaqinlashib kelayotgan o‘yinda ishtirok etmasligini tushuntirdi. Bu haqda Zamin.uz xabar berdi.
Bu haqda euro-football.ru xabar berdi. Murabbiyning so‘zlariga ko‘ra, jamoa chorshanba kuni OFK Chempionlar ligasi doirasida "Arkadag" klubiga qarshi maydonga tushadi.
Biroq portugaliyalik yulduz hujumchi Krishtianu Ronaldu bu o‘yinda ishtirok etmaydi. Oldinroq Ronaldu bo‘ykotdan so‘ng safga qaytishi kutilayotgan edi, ammo ushbu uchrashuvda ham u qaydnomaga kiritilmagan.
Jorje Jezushning ta’kidlashicha, jamoa jadvali juda tig‘iz bo‘lgani sababli Ronaldu va asosiy tarkibdagi bir nechta futbolchiga dam berishga qaror qilingan. Murabbiy bu qarorni oldinda turgan "Al-Fateh"ga qarshi muhim o‘yin bilan bog‘ladi.
Shuningdek, u Ronalduga bunday dam berish birinchi marta emasligini aytib o‘tdi. Portugaliyalik hujumchi Saudiya Arabistonidan tashqarida bo‘lib o‘tadigan o‘yinlarda ilgari ham bir necha bor maydonga tushmagan.
Saudiya chempionati doirasidagi "Al-Fateh" va "Al-Nasr" o‘yini 14-fevral, shanba kuni bo‘lib o‘tadi.
