Ronaldu Yevropaga qaytishi mumkinmi? Savollar ochiq.

Krishtianu Ronaldu Saudiya Arabistonining «Al-Nasr» klubi bilan avvalgi kelishmovchiliklarni hal etib, yana maydonga qaytgan bo‘lsa-da, yozgi transfer oynasida uning klubini o‘zgartirishi ehtimoli haqida gaplar davom etmoqda. Bu haqda Zamin.uz xabar berdi.

Bu haqda euro-football.ru ma’lumot tarqatdi. The Touchline’ning ma’lum qilishicha, Ronalduning agenti Jorje Mendesh allaqachon Yevropaning bir necha yetakchi klublari bilan aloqaga chiqib, 41 yoshli futbolchini tarkibga qo‘shish taklifini bergan.

Bu futbol olamida katta qiziqish uyg‘otmoqda, chunki Ronaldu hali ham jahon futbolining mashhur yulduzlaridan biri hisoblanadi. Avvalroq OAVda Ronaldu «Manchester Yunayted»ni tark etganidan so‘ng Mendesh bilan hamkorlikni to‘xtatgani haqida xabarlar paydo bo‘lgandi.

Ammo Transfermarkt portalining ma’lumotiga ko‘ra, portugaliyalik futbolchi hali ham Jorje Mendesh agentligining mijozi sifatida ro‘yxatda turibdi. Shu bilan birga, Ronalduning «Al-Nasr» bilan amaldagi shartnomasi 2027 yilning o‘rtalarigacha mo‘ljallangan.

Bu esa uning Saudiya Arabistonidagi faoliyatini davom ettirish ehtimolini saqlab qoladi. Shu sababli, futbol yulduzining keyingi faoliyati haqidagi savollar hali ham ochiq qolmoqda.