«Liverpul» Saloh o‘rniga Rodrigoni nishonga oldi
Mohamed Salohning yozgi transfer oynasida «Liverpul»ni tark etishi ehtimoli yuqori bo‘lib, klub uning o‘rnini bosadigan yangi hujumchini izlamoqda. Bu haqda Zamin.uz xabar berdi.
Bu haqda euro-football.ru xabar berdi. Ma’lum bo‘lishicha, «Liverpul» Saloh o‘rniga «Real Madrid»ning vingeri Rodrigo nomzodini birinchi raqamli maqsad sifatida ko‘rib chiqmoqda.
Shuningdek, klubning ehtimoliy transfer ro‘yxatida boshqa futbolchilar ham bor. Xususan, «Nyukasl» vakili Entoni Gordon ham bu ro‘yxatga kiritilgan.
Klub rahbariyati turli o‘yin uslubiga ega boshqa variantlarni ham ko‘zdan kechirmoqda. Transfermarkt ma’lumotlariga ko‘ra, Rodrigoning transfer qiymati 60 million yevroga baholangan.
Shu bilan birga, 24 yoshli Entoni Gordonning bozor qiymati ham xuddi shuncha ekanligi qayd etilgan. Ayni damda «Liverpul» Angliya Premer-ligasi turnir jadvalida 6-o‘rinda bormoqda.
Klub bu mavsumda kuchli natijalar qayd etishni maqsad qilgan va bu borada tarkibni mustahkamlash ustida ish olib bormoqda.
