Ronaldu Yevropaga qaytishi mumkinmi? Agent harakatda

Krishtianu Ronaldu yaqinda Saudiya Arabistonining "Al-Nasr" klubidagi kelishmovchiliklarni ortda qoldirib, yana maydonga qaytdi. Bu haqda Zamin.uz xabar berdi.

Shunga qaramay, portugaliyalik futbolchining yozgi transfer oynasi davomida klubini o‘zgartirishi ehtimoli mavjud. Bu haqda euro-football.ru xabar bermoqda.

The Touchline nashrining ma’lumotlariga ko‘ra, taniqli agent Jorje Mendes Ronaldu uchun Yevropaning yetakchi klublariga takliflar bilan murojaat qilmoqda. U 41 yoshli futbolchini yana Yevropa futboliga qaytarish niyatida.

Ma’lumki, avvalroq Ronaldu "Manchester Yunayted"ni tark etganidan keyin Mendes bilan hamkorligini to‘xtatgani haqida xabarlar tarqalgan edi. Biroq Transfermarkt ma’lumotlariga ko‘ra, Ronaldu hali ham Mendes agentligining mijozlari ro‘yxatida turibdi.

Hozirda Krishtianu Ronalduning "Al-Nasr" klubi bilan tuzgan shartnomasi 2027 yilning o‘rtalarigacha amal qiladi. Shu bilan birga, futbolchining kelajagi borasida turli taxminlar davom etmoqda.

Uning Yevropaga qaytishi ham futbol olamida katta qiziqish uyg‘otmoqda.