Rossiya va Mali o‘rtasida o‘yin o‘tkazilishi kutilmoqda

Matbuotda Rossiya terma jamoasi bahor faslida Mali milliy jamoasi bilan o‘rtoqlik uchrashuvi o‘tkazishi mumkinligi haqida xabarlar tarqaldi. Bu haqda Zamin.uz xabar berdi.

Ammo hozircha Rossiya futbol ittifoqi bu ma’lumotni rasman tasdiqlamagan. Ushbu xabar euro-football.ru saytida e’lon qilingan.

Mali milliy jamoasi bosh murabbiyi Tom Senfit bu masala yuzasidan o‘z fikrini bildirdi. Uning so‘zlariga ko‘ra, u Rossiya bilan o‘yin o‘tkazilishi mumkinligi haqida eshitgan, ammo bu borada rasmiy ma’lumotga ega emas.

Hozircha bu uchrashuvning aniq sanasi va joyi tasdiqlanmagan. Avvalroq ba’zi manbalarda Rossiya va Mali terma jamoalari 27-mart kuni Krasnodar shahrida o‘rtoqlik uchrashuvi o‘tkazishi mumkinligi haqida xabar berilgandi.

Ma’lumki, Rossiya terma jamoasi so‘nggi to‘rt yil davomida UEFA va FIFA tomonidan kiritilgan sanksiyalar sabab xalqaro musobaqalarda ishtirok eta olmayapti. Shu bois jamoa faqat o‘rtoqlik uchrashuvlari orqali o‘z faoliyatini davom ettirishga majbur bo‘lmoqda.