Vinisius "Liverpul"ga o‘tishi yoki "Real"da qolishi mumkin

Madridning "Real" klubi hujumchisi Vinisius Junior faoliyatini Angliya Premer-ligasida davom ettirishi mumkin. Bu haqda Zamin.uz xabar berdi.

Bu haqda euro-football.ru xabar bermoqda. TNT Sports Argentina ma’lumotiga ko‘ra, "Liverpul" yarim himoyachisi Dominik Soboslai braziliyalik futbolchiga shaxsan qo‘ng‘iroq qilib, uni "qizillar" jamoasiga qo‘shilishga undagan.

Soboslai bilan Vinisius yaqin do‘stlar ekanligi avvalroq qayd etilgan edi. Qiziqarli jihati shundaki, Soboslaiga "Real" klubi ham qiziqish bildirmoqda.

"Liverpul" Vinisiusni Muhammad Salohning o‘rnini bosuvchi futbolchi sifatida ko‘rayotgani aytilmoqda, chunki misrlik hujumchi yozda klubni tark etishi ehtimoli bor. Shu bilan birga, Vinisius "Real" rahbariyatidan shartnomani uzaytirish muzokaralarini tezlashtirishni so‘ragan.

U o‘z kelajagini imkon qadar tezroq aniqlashtirish niyatida ekanligini bildirgan. Manbalarga ko‘ra, Vinisius "Real"dan maoshini Kilian Mbappening daromadidan yuqori qilishni talab qilmoqda.

Ma’lumki, hozirda Mbappe "Real"dagi eng ko‘p maosh oluvchi futbolchi hisoblanadi. Shu sababli, Vinisiusning "Real"da qolishi yoki "Liverpul"ga o‘tish ehtimoli borasidagi masalalar yaqin orada hal bo‘lishi kutilmoqda.